DOMO LANGU: JB

TABIA YA JB NA WEMA SEPETU KUSHIKANA SHIKANA OVYO YAWAACHA HOI WAKAZI WA KONDOA....

Posted by Bigie habari za kitaifa, JB, wema sepetu 12:16 PM

WAIGIZAJI wa sinema za Kibongo, Wema Isaac Sepetu na Jacob Steven ‘JB’ wamezua minong’ono baada ya kugandana kimahaba hadi wakawakera maustadhi.......

Tukio hilo lililoshuhudiwa na wanahabari lilijiri katika Kijiji Cha Kwadelo wilayani Kondoa, Dodoma mwishoni mwa wiki iliyopita ambapo mastaa hao walikwenda kuzindua mpango wa Kilimo Kwanza, Ajira kwa Vijana ulioongozwa na Diwani wa Kata ya Kwadelo, Omary Kariati.

Waigizaji hao walionekana kupeana ‘kampani’ kwa kila walichokifanya, huku kila mmoja akigandisha mkono kiunoni kwa mwenzake na kushikanashikana hadharani huku Wema akideka na kile kisauti chake kinachoweza kumtoa nyoka haraka pangoni.

...Wakiwa pamoja kimahaba.
“Hawa wasanii wetu bwana, hebu waone wale (Wema na JB), muda wote wameshikana vile. Mh! Ndiyo nini sasa?” alisikika mmoja wa maustadhi aliyejitokeza katika uzinduzi huo.

Wakiwa mashambani, ulifika wakati wa mastaa hao kulima kwa kutumia trekta ambapo JB alionekana akimbeba Wema na kumsaidia kupanda kwenye trekta kisha akamsaidia tena kushuka baada ya kumaliza kazi.

Baada ya uzinduzi kufanyika mashambani na kila mmoja kutoa neno la kuhamasisha vijana kujiajiri kupitia kilimo, wasanii hao waliendelea kugandiana, jambo lililosababisha maustadhi kuendelea ‘kuwamaindi’ kabla ya kusoma dua na kuagana ambapo JB alimbeba Wema na kumpakiza kwenye gari lao aina ya Toyota Noah, wakaelekea kwenye gesti waliyofikia kijijini hapo tayari kwa kuendelea na ratiba nyingine.

Katika safari hiyo, mastaa hao waliambatana na wenzao wanaounda Bongo Movie Unity, Irene Uwoya, Single Mtambalike ‘Richie’ na Vincent Kigosi ‘Ray’

BONGO MOVIE WAJIPANGA KUCHAGUA VIONGOZI WAPYA

Posted by Bigie BONGO MOVIE, habari za kitaifa, JB 4:14 AM

Bongo Movie inatarajia kufanya uchaguzi wa viongozi wake ambao wataweza kuliongoza gurudumu la filamu kusonga mbele zaidi kutokana na kuwepo na taarifa kuwa viongozi waliopo ni wabinafsi na wanajinufaisha wenyewe.

Kwa mujibu wa katiba ya Bongo Movie viongozi hukaa madarakani kwa mwaka mmoja kabla ya uchaguzi mpya ambapo viongozi waliopita huruhusiwa kugombea tena.

“Kwanza sisi tuna katiba yetu ambayo inaendesha klabu yetu kwahiyo katiba yetu moja ya vipengele ni namna ya uchaguzi, uongozi unakaa madarakani kwa muda wa mwaka mmoja kwahiyo inapofika lazima sheria ifuatwa ndio maana tunafanya uchaguzi mwishoni mwa mwezi huu na kikao cha kujadili uchaguzi huo utafanyia wapi tutajadili Jumanne tarehe 20 wiki ijayo, “mwenyekiti wa kamati ya uchaguzi ya Bongo Movie ya uchaguzi Jimmy mafufu

“Viongozi ambao wapo madarakani, mwenyekiti alikuwa JB, makamu wake Athumani Mbilinyi, katibu ni Claud na Jackline Wolper lakini mweka hazina ni Richie Richie na Vicent Kigosi alikuwa ni msaidizi wake, lakini hii haimaanishi kwamba wanatoka, wanarusiwa tena kugombea wala katiba haiwafungi,”aliongeza.

“Nashukuru Mungu kwasababu wamechukua hizo form na kwa yoyote mwenye kuHitaji form ya uongozi anaweza akawasiliana na Bongo Movie ili apate form ya uongozi.”

JB NA BANANA ZORRO WAPAMBANA KWENYE "UKURASA MPYA"

Posted by Bigie BANANA ZORRO, BONGO MOVIE, habari za kitaifa, JB, UKURASA MPYA 2:50 AM

Ile filamu ambayo ilikuwa ikisubiriwa kwa hamu sasa ipo madukani tangu siku ya jana.

Filamu hii inamuhususisha nguli wa filamu kwa sasa ambaye amejizolea mashabiki wengi kutokana na movie anazozitoa zikiwa na story nzuri kumpelekea shabiki kufurahia pesa yake aliyotoa kununua movie zake.Si mwingine ni Jacob Stephen alias JB.

Kupitia kampuni yake ya A Jerusalem Film, JB ameweza kutengeneza movie hiyo ambayo sasa imeingia sokoni na inasambazwa na kampuni ya Steps Entertainment LTD

Katika movie hii ya “Ukurasa Mpya” utapata nafasi ya kumuona mkali wa Muziki wa Bongo Flavour ambaye anamiliki bendi ya B-Band, Banana Zorro ambaye sasa amekuwa anaonyesha uwezo mkubwa katika kuigiza, Pia utapata nafasi ya kumuona mchekeshaji mkali Soudy Ally.

Hii ni movie ya pili kwa JB kuigiza na Banana Zorro, baada ya ile ya kwanza iliyokuwa inaitwa D.N.A ambayo Banana alionyesha uwezo mkubwa alivyo Act kama Doctor.

"JB NAYE NI KICHECHE KAMA WEMA SEPETU NA AUNT EZEKIEL".......NEY WA MITEGO

Posted by Bigie habari za kitaifa, JB, ney wa mitego 12:23 AM

Msanii wa muziki hapa nchini, Ney wa Mitego jana amemuangushia bomu muigizaji wa filamu nchini, Jacob Steven aka JB kuwa hana tofauti na waigizaji wa Bongo Movies anaowachukulia kama vicheche.

Kauli hiyo ameitoa jana kwenye kipindi cha Hot Mix cha EATV baada ya hivi karibuni kukwaruzana na JB jijini Mwanza kwenye ziara ya Fiesta. Inadaiwa kuwa Ney alimwita Wema kicheche jukwaani jambo lililomfanya muigizaji huyo kukwaruzana na Ney.

“JB alikuwa kama mtoto mdogo au ulifika time wacha tu niliongee hili,” alisema Ney.

Ilifika time nikasema JB simtofautishi na wale akina Aunty Ezekiel sijui akina Wema kwasababu unajua mtoto wa kike ni dhaifu unajua, mimi nilimsamehe Aunt Ezekiel na Wema pia, sababu Wema na Aunty Ezekiel ni watu waliotaka kugombana na mimi, niliwasamehe palepale.

Nachokisema sio kama nabahatisha, nakuwa na uhakika nacho. JB na Ray ilibidi waungane pamoja wanifuate, ‘bwana unajua mimi ni dogo kwao’ lakini labda tunashindana tu vitu fulani, ukubwa wa umri si tatizo.”

Uhusiano mbaya kati ya waigizaji wa filamu nchini na Ney ulianza baada ya rapper huyo kudai kwenye wimbo wake‘Nasema Nao’ kuwa makahaba wenye kiwango wapo kwenye Bongo movies.

Older Posts Home

TABIA YA JB NA WEMA SEPETU KUSHIKANA SHIKANA OVYO YAWAACHA HOI WAKAZI WA KONDOA....

BONGO MOVIE WAJIPANGA KUCHAGUA VIONGOZI WAPYA

JB NA BANANA ZORRO WAPAMBANA KWENYE "UKURASA MPYA"

"JB NAYE NI KICHECHE KAMA WEMA SEPETU NA AUNT EZEKIEL".......NEY WA MITEGO

Featured Post

NEC ya ahirisha uandikishaji kwa BVR mikoa 4 nchini

STAY UPDATED

FEATURED LINKS

ADVERTISEMENT