DOMO LANGU: 2012

ASKARI ALIYEPIGA PICHA NA LEMA ATOROKA JESHINI

Posted by Bigie habari za kitaifa 6:23 AM

JESHI la Wananchi wa Tanzania (JWTZ), limesema askari anayedaiwa kuwa jeshi hilo aliyepiga picha na Mbunge wa Arusha Mjini (Chadema), Godbless Lema ametoroka.

Msemaji wa JWTZ, Kanali Kapambala Mgawe alisema jana kwamba pamoja na hatua yake ya kutoroka, jeshi litaendelea kumsaka kwa udi na uvumba ili kumhoji na kujiridhisha kama kweli ni mwanajeshi wake kabla ya kumchukulia hatua za kinidhamu kwa mujibu wa Kifungu cha 147 cha Katiba ya Jamhuri wa Muungano wa Tanzania ya 1977.

“Huyu kijana inasemekana alishawahi kupitia Jeshi la Kujenga Taifa (JKT), lakini wakati tunaendelea na uchunguzi alitoroka katika nyumba aliyokuwa amepanga bila ya taarifa kwa baba mwenye nyumba,” alisema Kanali Mgawe na kuongeza:

“Askari huyo alikuwa anaishi katika nyumba ya kupanga mita chache karibu na Kituo cha Polisi cha Simanjiro, Arusha na alikuwa akijishirikisha na ulinzi shirikishi.”

Alipoulizwa jina la askari huyo, Kanali Mgawe alijibu: “Yeye alikuwa anafahamika mtaani hapo kwa jina la kamanda.”

Hata hivyo, Kanali Mgawe alisema jeshi hilo litahakikisha linatoa ripoti kamili kwa umma baada ya kumkamata na uchunguzi kukamilika ili kuondoa utata uliogubika suala hilo.

Alipoulizwa kama kuna tofauti gani kati ya mwanajeshi kuingia kwenye mikutano ya wanasiasa na wale wanaofanya kazi za kisiasa kama wakuu wa wilaya na mikoa, Kanali Mgawe alijibu:” Wanajeshi wanaofanya kazi za U-DC au RC, wanaruhusiwa kisheria.”

Alifafanua kuwa iwapo mwanajeshi atateuliwa kufanya kazi katika taasisi yeyote ya Serikali nje ya jeshi, atatakiwa kuvua magwanda ya jeshi na kufanya kazi hiyo mpaka atakapomaliza muda wake na baada ya hapo ataruhusiwa kurejea jeshini.

“Kuna kitu kinaitwa ‘secondment.’ Mwanajeshi anaruhusiwa kufanya shughuli zozote nje ya jeshi iwapo atahitajika kufanya hivyo. Ila kwa masharti ya kuvua magwanda, hivyo wananchi wasishangae kuwaona baadhi ya askari wetu ni wakuu wa wilaya na mikoa na baadaye kurudi jeshini kuendelea na majukumu yao,” alisema Kanali Mgawe na kuongeza:

“Askari akiwa katika majukumu yake mapya, atafanya kazi zote atakazopewa zikiwamo za kisiasa kama ilivyo kwa wakuu wa wilaya na mikoa, lakini akirudi jeshini, anarudi kuwa askari mwenye utii na kufuata kanuni za jeshi zisizofungamana na siasa.”

BABY CANDY, SKAINA NA JACK CHUZ WAGOMBEA PENZI LA TIMBULO....

Posted by Bigie habari za kitaifa, picha za utupu 4:40 AM

HUU NDO UHASAMA NA CHUKI BINAFSI ZA WASANII WETU KWA KIPINDI CHA MWAKA 2012

Posted by Bigie BONGO FLEVA, BONGO MOVIE, habari za kitaifa 4:20 AM

TID vs Ali Kiba
Beef hii ilianza baada ya Ali Kiba na familia yake kumshutumu TID kuwa alikuwa amepanga njama za kumuua Ali Kiba. Tuhuma hizo zilipelekea TID kupelekwa polisi lakini alitoka baada ya kesi hiyo kuonekana haina ushahidi wa kutosha.

Mpaka sasa TID bado ana hasira na Ali Kiba na hivi karibuni kupitia Facebook alimuita ‘homo’ kutokana na kitendo chake cha kumtupia shutuma hizo. “Stupid Thing Ever Happened in Bongo Music Scene is this Homo mentioned me Trying to Kill Him while am only thinkin about this Girl…No Homo,let’s make Hits,” aliandika TID.
AY vs Hermy B

Uhusiano kati ya Hermy B na AY waliokuwa maswahiba wa muda mrefu uliingia dosari baada ya kile kinachodaiwa kushindwa kuelewana katika bei mpya ya kurekodia wimbo katika studio za B’Hits.

Hermy B aliwataka AY na MwanaFA kulipia kiwango kikubwa zaidi kwa single wanazorekodi kwakuwa wao ni wasanii wakubwa kitu ambacho hawakukikubali na kuamua kuvunja uhusiano na B’Hits. Baadaye Hermy B alikuja kuandika barua mbili tofauti kuelezea jambo hilo na jinsi uhusiano wao ulivyovunjika.

AY alidai angekuja kuandika maelezo kwa upande wake lakini hata hivyo hakuandika. Miongoni mwa aliyoandika Hermy kwenye barua ya kwanza ni:

Kilichotokea ni kwamba, mwaka huu mwanzoni kabisa, A.Y aliwasiliana na mimi akiwa na mipango ya kuzindua albamu yake. Na alitaka kuzinunua zile nyimbo kutoka kwangu akiwa na mpango mpya wa kuiuza albamu kwa mpango wake binafsi pasi na mimi. Nilishindwa kuelewa nini anakifanya hasa alipoomba alipie wimbo mmoja mmoja tena kwa bei ya msanii wa kawaida anaehangaika kutoka.

Niliamua kukubali kwamba ameamua kufanya hivyo na sina nguvu ya kumzuia basi nikajaribu kupata malipo halisi ya kazi yangu. Ubishi wangu ulikua kwamba msanii mdogo hawezi kulipa bei sawa ya kurekodi na msanii mkubwa, kwani hata malipo ya msanii mkubwa na mdogo baada ya kazi yoyote iwe ya matangazo ama show huwa hayafanani. Bei niliyotaja haikua millioni kumi, ni uongo mtupu na kwa wimbo mmoja niliomba nilipwe millioni 2.

Akakubali kwa bei hiyo ya Millioni 2 japo nilihisi hakuridhika kabisa. Nilimtumia mkataba wa makubaliano yetu ambayo kweli baadae aliona kwamba bei hiyo kwake ni kubwa sana hivyo hatukusaini makubaliano. Tulibadilishana meseji kwa simu kwa muda mrefu sana na niliona biashara hii itavunja urafiki wetu.

Nilifikiria sana kwamba nyimbo hizi nimekaa nazo toka 2008 bila kuingiza chochote na maisha yanaenda pia. Sikuona sababu ya kuharibu urafiki wetu wa muda mrefu kwa mabishano haya. Kwa Ujumbe wa simu nilimueleza A.Y anakaribishwa aje achukue nyimbo zoooooote anazohitaji kwa albamu yake BURE (bila malipo).Lakini nilimuomba anisamehe sitomix zile ambazo bado hazijamixiwa, ila ampatie producer mwingine amfanyie hiyo kazi.

Mpaka naona hii makala A.Y hajaja kuchukua hizo nyimbo na ndio naelewa kua hayupo na BHits tena na wala taarifa zote hizo mbili hajawahi kunipatia. Huu ndio ukweli halisi.
Lord Eyez vs Ommy Dimpoz

Beef hii ilianza baada ya Ommy Dimpoz kupost picha za Lord Eyez kwenye mtandao wa Twitter akiwa amekamatwa kwa kile alichodai kumuibia vifaa vya gari yake. Picha hizo zilisambaa kwa kasi kwenye mitandao ya kijamii na websites/blogs.

Baadhi ya watu walimlaumu Ommy kwa kitendo hicho cha kumwanika mwanamuziki mwenzie. Baada ya kukamatwa na polisi na baadaye kutoka nje kwa dhamana wakati kesi hiyo ikiendelea, Lord Eyez alirekodi wimbo Bongo Records ambamo anasikika akimtaja Ommy Dimpoz.

Weusi vs Nikki Mbishi

Beef ya chini chini kati ya Weusi na Nikki Mbishi ilianza kitambo na ilitokana zaidi na mistari ya Nikki Mbishi aliyoindika kumdiss Bonta wa Weusi kama msanii anayebahatisha na sio conscious rapper kama anavyojiita.

Hivi karibuni Nikki wa Pili alisikika kwenye mstari wake akitupa diss ya kiaina kwa Nikki Mbishi na washkaji zake kwa kusema yeye haandika punchline bali anaandika maisha.
Irene Uwoya vs Flora Mvungi

flora

Beef ya divas hawa Bongo Movies ilitokana na uhusiano wao na H Baba. Baada ya H Baba kuachana na Irene alianzisha uhusiano na Flora waliye naye hadi sasa.

Katika mahojiano na vyombo mbalimbali vya habari Irene alisikika akimponda H Baba kuwa ni mwanaume asiyejua mapenzi. Kauli hiyo ilimkera Flora ambaye naye aliamua kuongea yake na hivyo kuanzisha beef na Irene.

Afande Sele vs 20 Percent
Maswahiba haba walijikuta wakizunguana na kutupiana maneno redioni kutokana na Afande kukerwa na kitendo cha 20 Percent kugombana na waandaji wa tuzo Zanzibar waliokuwa wamewaalika wote.

Cyril vs Ommy Dimpoz

Ilikuwa ni beef iliyodumu kwa muda mfupi baada ya uzinduzi wa documentary ya Cyril ‘From Day One’ uliokuwa umepangwa kufanyika Club Billcanas kutaka kuzuiwa na baraza la sanaa Tanzania kwa madai kuwa ni raia wa Kenya. Jambo hilo Cyril aliliona kama hujuma iliyokuwa imepangwa na Ommy aliyekuwa na show siku hiyo hiyo Maisha Club.
Chidi Benz vs Ney wa Mitego

Pamoja na kuanzisha beef kali na waigizaji wa Bongo Movies kutokana na wimbo wake Nasema Nao, Ney wa Mitego alimdiss pia King Kong Chidi Benz kwa kuamua kujitoboa pua na kuweka heleni. “Au mwenzetu shoga” alisema Ney kwenye ngoma hiyo.

Kwa upande wake Chidi Benz baada ya kuhojiwa ili aseme alivyouchukulia mstari huo na kusema hamfahamu Ney wa Mitego.
Diamond vs H Baba

Beef ya Diamond na H Baba ilitokana na wimbo ‘Nataka Kulewa’ wa Diamond. H Baba alidai kuwa Platnumz alimuibia idea hiyo wakati walipokuwa wakirekodi wimbo wenye jina kama hilo katika studio za G Records ambapo alikuwa amepanga kumshirikisha Q Chief. H Baba alionesha vielelezo vyote kuthibitisha kauli yake licha ya baadhi ya watu kudai anataka umaarufu.
Q Chief vs Adam Juma

Hii ni beef ya hivi karibuni tu ambapo Q Chief anamshutumu Adam Juma kwa kutoitoa video yake aliyomfanyia. Q analaumu kuwa Adam amemharibia mipango yake na huku akimrudisha nyuma kimaendeleo.

SOURCE

RIPOTI FUPI YA MATOKEO YA SENSA YA WATU NA MAKAZI- TANZANIA

Posted by Bigie habari za kitaifa 4:01 AM

RIHANNA AUNGANA NA CHRISS BROWN ABDIJAN KWA AJILI YA KUSHUSHA BURUDANI KATIKA TUZO ZA KORA

Posted by Bigie BONGO FLEVA, habari za kitaifa 3:10 AM

VIDEO YA DIAMOND AKICHEZA " MAKE IT RAIN" YA FAT JOE

Posted by Bigie BONGO FLEVA, habari za kitaifa 2:56 AM

LEO SAA SITA KAMILI USIKU MITAMBO YOTE YA ANALOJIA ITAZIMWA RASIMI JIJINI DAR ES SALAAM

Posted by Bigie habari za kitaifa 10:16 PM

ROMA AAMUA KUUZA WIMBO WAKE MPYA KWA SH. 3000 HUKU NIKKI WA PILI NAYE AKITUMIA M-PESA KUIUZA DVD YAKE

Posted by Bigie habari za kitaifa, NIKKI WA PILI, ROMA 10:06 PM

Wasanii wanazidi kuwaza kila siku jinsi ya kukwepa kuibiwa kazi zao ambazo ni jasho lao wanalotoa booth baada ya kusumbua akili zao na kufanyia kazi vyema mtaji wa kipaji walichopewa na Mungu.

Asilimia 90 ya wasanii wa Hip Hop hawapeleki kazi zao kwa wasambazaji bali huuza wenyewe ili kukwepa kuwafaidisha watu wengine kwa jasho lao.

Staili ya uuzaji iliyopewa jina la ‘kuuuza tapes kwenye bag’ inazidi kupatiwa mbadala kama sio kuboreshwa ili kuwafikia watu wengi zaidi.

Roma mkatoliki ambae ametambulisha wimbo wake alioupa jina la ‘2030’, wimbo ambao unasubiriwa kwa huwa hadi sasa na fans wake kibao waweze kuupakua kwenye mtandao, sasa amekuja na staili tofauti ambapo anauuza wimbo huo kwa Tsh. 3000 tu .

Roma kupitia ukurasa wake wa facebook, ameelezea kuwa mteja wake atatuma pesa hiyo kwa njia ya simu pesa na email yake ama atatumiwa kwa njia ya Whasapp, kisha Roma atamtumia wimbo huo, lakini kwa makubaliano pia kuwa hatausambaza wala kuugawa ili kusapoti kazi yake iendane na kipato chake.

Roma anasema kwa wale ambao hawana uwezo wa kununua basi watausikiliza tu redioni.

Nikki wa pili

Nikki wa Pili ambae ni msemaji wa WEUSI pia alizindua aina mpya ya usambazaji wa kazi za wasanii akianza na kazi yake, na hiyo December 23, katika tamasha la ‘Funga Mwaka la Weusi’ lilifanyika Dar-es-Salaam, Club Maisha, ambapo walizindua rasmi DVD ya Kum Kubam na wimbo mpya wa Lord Eyez “No More Drama”.

Katika aina hii mpya ya usambazaji, Mteja ama shabiki anatakiwa kutuma pesa kwa njia ya M-Pesa kiasi cha Tsh. 4,000 kisha atapewa CODE NUMBER ambayo ataipeleka kwa wakala wa Fichuka Dar na kupewa DVD hiyo ya BUM KUBAM.

Siku moja baada ya tamasha hilo, WEUSI waliwatumia watanzania ujumbe ulioandikwa KUM KUBAM kama Attention kisha ukasomeka hivi;

“kupata CODE NUMBER ili ukachukue BUM KUBAM DVD kwa wakala wa Fichuka Dar, Lipa kwa MPESA,Namba ya kampuni 212121,Kumbukumbu Na. Malipo BUM KUBAM, kiasi 4,000.”

Kwa kweli sasa wasanii wanaonesha kuwa na muamko wa vitendo zaidi na kuutumia vizuri ulimwengu wa sayansi na technolojia, nice Move Roma na WEUSI, mwaka 2013 ukiongeza sapoti wasanii waliyoahidiwa na serikali najua tutafika mbali.

Toa maoni yako hapo chini