DOMO LANGU: BONGO FLEVA

MSANII AMTELEKEZA MTOTO STENDI YA UBUNGO

Posted by Bigie BONGO FLEVA, habari za kitaifa 1:25 AM

MREMBO aliyewahi kupamba video kadhaa za wasanii wa Bongo Fleva ukiwemo wimbo wa Kidato Kimoja ulioimbwa na J.I, anayekwenda kwa jina la Maya Silemwe, amedaiwa kumtelekeza mwanaye wa kumzaa aitwaye Junior Justine (3).

Tukio hilo la kusikitisha lilitokea hivi karibuni katika kituo cha mabasi yaendayo mikoani, Ubungo jijini Dar es Salaam ambapo mtoto huyo aliokolewa na msamaria mwema.

Akisimulia mkasa mzima ulivyokuwa, shangazi wa mtoto huyo aliyejitambulisha kwa jina moja la Monalisa, alisema wao kama familia wameumizwa sana na kitendo kilichofanywa na Maya.

“Maya amezaa na kaka yangu Justine anayeishi Marekani na amekuwa akimjali sana kwa kumtumia fedha za matumizi mara kwa mara. Kisa ni kwamba kaka alimwambia Maya ampeleke mtoto Bukoba (nyumbani kwa baba wa mtoto) akasalimie, Maya akakubali lakini akamwambia atapitia kwanza Arusha (nyumbani kwao) ndipo waende Bukoba.

“Justine akamuelewa lakini kumbe alidanganya, hakwenda Arusha na kuna watu walimuona akiingia kwenye klabu moja hapahapa Dar es Salaam, wakamjulisha kaka. Sasa alipompigia kumuuliza, akawa anajing’atang’ata, siku iliyofuata akadamkia Ubungo ili kumsafirisha mtoto kwenda Bukoba kwa mama yetu (bibi wa mtoto) lakini alitaka kumsafirisha kwa kumtumia kondakta,” alisema Monalisa na kuongeza:

“Alikubaliana na kondakta huyo kisha akamwachia namba ya simu ya mama na yake ili waweze kuwasiliana na kumpokea mtoto huko Bukoba.

Kwa bahati mbaya siku ile yule konda alikuwa hasafiri mpaka siku inayofuatia. Mtoto akaanza kuhangaika stendi siku nzima bila uangalizi mzuri.

“Bahati nzuri mama mmoja msamaria mwema akafuatilia na kuonana na huyo konda, akamuomba namba za mama wa Bukoba kisha akawasiliana naye, kwa kuwa alikuwa na safari ya kwenda huko siku iliyofuata, akaamua kuchukua jukumu la kusafiri naye.”

Monalisa alikubali kutoa namba za simu za msamaria aliyejitolea kusafiri na mtoto huyo, alipopigiwa alikiri lakini aliomba sana asitajwe .

“Mimi kama mzazi iliniuma sana kumuona mtoto mdogo anahangaika stendi bila uangalizi. Nilishangaa sana kuona mzazi aliyeingia ‘leba’ anawezaje kumwacha mwanaye mdogo namna ile asafiri mwenyewe?” alisema.

Risasi lilimtafuta baba mzazi wa mtoto huyo, Justine aishiye Marekani ambapo alisema: “Jambo hilo limeniumiza sana. Kwa kweli kama ningekuwa huko nyumbani (Bongo) ningehakikisha namfundisha adabu huyo mwanamke kupitia sheria.

“Nashukuru kusikia kwamba mwanangu alifikishwa salama Bukoba.”

Mama wa mtoto huyo alipopigiwa simu alizua kioja baada ya kukataa kwamba hajawahi kumuacha mtoto kwa konda Ubungo na pia akadai eti hana mtoto na wala hajawahi kuzaa katika maisha yake yote.

Wakati tukijiandaa kwenda mitamboni juzi Jumatatu, habari zilizopenyeza katika chumba chetu cha habari zilisema kwamba mrembo huyo alimpigia simu mama mkwe wake na kumchimba mkwara mzito.

MASTAA KIBAO WAHUDHURIA " "EXCLUSIVE LISTENING PARTY" YA WIMBO WA VANESSA MDEE UITWAO "CLOSER"

Posted by Bigie BONGO FLEVA, habari za kitaifa, VANESSA MDEE 2:54 AM

MASTAA WANNE WALIOPIGWA "STOP" KUKANYAGA KATIKA ARDHI YA JIJI LA ARUSHA

Posted by Bigie BOB JUNIOR, BONGO FLEVA, diamond, habari za kitaifa, KALAPINA, OMMY DIMPOZ 5:37 PM

Jambo hili linapokuwa linazungumzwa mtaani hasa Jijini Dar utadhani ni masihara lakini lina ukweli ndani yake.

Mwandishi wetu ambae alikuwa Jijini Arusha hivi karibuni alijionea madai hayo na kupata kisa kizima cha wanamuziki hao kutotakiwa kukanyaga Jijini Arusha.

Macharii hao wa Arusha ambao wanasifika kwa ukorofi walimsimulia mwandishi wetu na kumuorozeshea majina ya wanamuziki ambao wakijaribu kutia pua zao kwenye ardhi ya Jiji hilo wameisha.

KALAPINA:Kiongozi wa kundi la Kikosi cha Mizinga chenye maskani yake mitaa ya block 41 Jijini Dar.

Huyu amekuwa kwenye tageti ya masela hao kitambo kufuatia bifu lake na wanamuziki wa Nako 2 Nako ambapo miaka kadhaa ilioyopita mmoja wa wanamuziki wa kundi hilo lenye umaarufu mkubwa Arusha alidaiwa kutekwa na kupigwa hadi kuvunjwa taya na wanamuziki wa Kikosi cha Mizinga hali iliyoleta uhasama hadi leo licha ya tukio hilo kutokuwa na ushahidi wa kutosha.

DIAMOND THE PLATINUM:Macharii hao walisema kuwa licha ya kosa lake sio kubwa sana lakini wanammaindi kutokana na mwaka jana kushindwa kufika kwenye onesho la muziki ambalo ilibidi atoe burudani.

Watu wengi walitoa kiingilio chao tena shilingi elfu kumi kumi matokeo yake hakufika ukumbini kwa madai ambayo baadae aliyatoa kwenye vyombo vya habari kuwa ndege ilimuacha.

Waliongeza labda akitaka usalam aende akawaimbie shoo bure tena uwanjani na kuwaomba radhi watakuwa wameyamaliza.....

BOB JUNIOR: Utozi ulimponza,Macharii hao walisema kuwa mwaka jana mwanamuziki huyo alienda kufanya shoo lakini macharii hao waliamua kumbadilikia kwa kumrushia makopo ya maji stejini pamoja na mayai hali iliyopelekea kuokolewa na mabaunsa pamoja na polisi,kisha wakamwambia asirudi tena Jijini humo.......

OMMY DIMPOZ:Yeye amejipalia mkaa kwenye sakata lake na Load Eyez la kumtuhumu kuiba vifaa vya gari ya Ommy hali ililosabasha mwanamuziki huyo nyota wa kundi la Nako 2 Nako kwenda jela miezi kadhaa.

Hali hiyo ilionekana kuwa kera sana macharii hao na kusema wanamsubiri kwa hamu kubwa aende A Town wakamletee noma.

HUYU NDO MTOTO ALIYEIMBA CHORUS YA WIMBO WA MSANII ROMA "2030"

Posted by Bigie BONGO FLEVA, habari za kitaifa 5:21 AM

PROFESA JAY AKANUSHA KUMTAPELI PROMOTA WA MOMBASA

Posted by Bigie BONGO FLEVA, habari za kitaifa, PROFESA JAY 2:39 AM

Hivi karibuni gazeti la The Star a nchini Kenya liliandika kuwa rapper Joseph Haule aliingia kwenye mgogoro mkubwa na promoter wa mjini Mombasa Kenya aliyemchukua kufanya show na kumshutumu kuwa amemtapeli.

Prof alikuwa amechukuliwa kufanya show mbili siku ya Christmas kwenye kumbi za Jamboree Resort na Quetu Beach Resort.

Hata hivyo kwa mujibu wa website ya mtangazaji wa East Africa Radio, Sam Misago, Profesa amethibitisha kuwa taarifa hizo si za kweli.

Website hiyo imeandika kuwa Jay alikubaliana na promoter huyo aitwaye Eljah Ngirimani wa kampuni ya Black Slate ya mjini Mombasa kuhusu show 2 ambazo zilikuwa tarehe 24 December iliyofanyika Jambori na Tarehe 25 Iliyofanyika Kwetu Beach. Show zote Prof Jay alizifanya kama ilivyopangwa ila ulipofika muda wa kulipwa ndio matatizo yalianza.

Amesema promoter huyo alishindwa kumlipa pesa alizotakiwa kumlipa na kwa sasa bado promoter huyo anadaiwa na Prof Jay shilingi 120,000 za Kenya ambazo ni zaidi ya shilingi milioni 2 za Tanzania.Amedai kila akipigiwa simu promoter huyo alikuwa akimwahidi Jay kumlipa baadae lakini hakufanya hivyo.

Mchawi huyo wa rhymes amesema promoter huyo hakulipa hata nauli yake ya kurudi Tanzania na Ilibidi ajilipie nauli mwenyewe na watu wake na ndio maana aliondoka kabla ya kufanya show ya tarehe 31 December mjini Mombasa.Jay amesema ameshtushwa na taarifa hizi kwani yeye ndiye anadai na sio kudaiwa chochote na anaamini promoter huyo ameamua kuongea uongo kwenye vyombo vya habari ili kulinda jina lake.

Promoter huyo aliliiambia gazeti la The Star kuwa Profesa Jay hakuwa amelipwa fedha zote kwa show ya pili na hivyo alipewa camera aina ya Nikon D3000 kama rehani.Baada ya show, Prof aliondoka nchini Kenya na crew yake na kuibeba kamera hiyo.

Issue hiyo imekuwa kubwa kiasi ambacho passport ya mpambe aliyekuwa amesafiri na Jay nchini humo imeshikiliwa ili asiondoke.Waandaaji wanadai kuwa walimlipa Profesa Jay shilingi 252,000 za Kenya ambazo ni zaidi hata ya fedha walizokuwa wamekubaliana na sasa wanataka warudishiwe fedha yao.

ROMA MKATOLIKI AFUNGUKA KUHUSU UHUSIANO WAKE NA KUNDI LA KINA JOH MAKINI.

Posted by Bigie BONGO FLEVA, habari za kitaifa, ROMA 9:01 PM

CLOSER YA VANESSA MDEE ITAKUWA HEWANI JANUARY 11

Posted by Bigie BONGO FLEVA, habari za kitaifa, VANESSA MDEE 8:51 PM

PROFESA JAY ADAIWA KUMTAPELI PROMOTA WA MOMBASA- KENYA

Posted by Bigie BONGO FLEVA, habari za kitaifa, PROF.JAY 4:15 AM

P SQUARE WAAPA KUTOKANYAGA TENA ARDHI YA UGANDA....

Posted by Bigie BONGO FLEVA, habari za kitaifa, P SQUARE 1:38 AM

"SIJUTII KUZIKOSA TUZO ZA KORA NA BADALA YAKE NAJIVUNIA MAMBO MENGI NILIYOJIFUNZA".....DOGO ASLAY

Posted by Bigie BONGO FLEVA, dogo aslay, habari za kitaifa 9:33 PM

HII NDIO VIDEO YA P UNIT ILIYOFUNGIWA KUONYESHWA CITIZEN TV KENYA

Posted by Bigie BONGO FLEVA, habari za kitaifa, P UNIT 1:10 AM

"NILISHAURIWA NA MAMA YANGU KURUDI MACHOZI BAND"....MWINYI

Posted by Bigie ABDALLAH MWINYI, BONGO FLEVA, habari za kitaifa 9:39 AM

PRODUCER LUCCI AKERWA NA DHARAU ZA WATANGAZAJI WA BONGO

Posted by Bigie BONGO FLEVA, habari za kitaifa, LUCCI 5:03 AM

HUU NDO UHASAMA NA CHUKI BINAFSI ZA WASANII WETU KWA KIPINDI CHA MWAKA 2012

Posted by Bigie BONGO FLEVA, BONGO MOVIE, habari za kitaifa 4:20 AM

TID vs Ali Kiba
Beef hii ilianza baada ya Ali Kiba na familia yake kumshutumu TID kuwa alikuwa amepanga njama za kumuua Ali Kiba. Tuhuma hizo zilipelekea TID kupelekwa polisi lakini alitoka baada ya kesi hiyo kuonekana haina ushahidi wa kutosha.

Mpaka sasa TID bado ana hasira na Ali Kiba na hivi karibuni kupitia Facebook alimuita ‘homo’ kutokana na kitendo chake cha kumtupia shutuma hizo. “Stupid Thing Ever Happened in Bongo Music Scene is this Homo mentioned me Trying to Kill Him while am only thinkin about this Girl…No Homo,let’s make Hits,” aliandika TID.
AY vs Hermy B

Uhusiano kati ya Hermy B na AY waliokuwa maswahiba wa muda mrefu uliingia dosari baada ya kile kinachodaiwa kushindwa kuelewana katika bei mpya ya kurekodia wimbo katika studio za B’Hits.

Hermy B aliwataka AY na MwanaFA kulipia kiwango kikubwa zaidi kwa single wanazorekodi kwakuwa wao ni wasanii wakubwa kitu ambacho hawakukikubali na kuamua kuvunja uhusiano na B’Hits. Baadaye Hermy B alikuja kuandika barua mbili tofauti kuelezea jambo hilo na jinsi uhusiano wao ulivyovunjika.

AY alidai angekuja kuandika maelezo kwa upande wake lakini hata hivyo hakuandika. Miongoni mwa aliyoandika Hermy kwenye barua ya kwanza ni:

Kilichotokea ni kwamba, mwaka huu mwanzoni kabisa, A.Y aliwasiliana na mimi akiwa na mipango ya kuzindua albamu yake. Na alitaka kuzinunua zile nyimbo kutoka kwangu akiwa na mpango mpya wa kuiuza albamu kwa mpango wake binafsi pasi na mimi. Nilishindwa kuelewa nini anakifanya hasa alipoomba alipie wimbo mmoja mmoja tena kwa bei ya msanii wa kawaida anaehangaika kutoka.

Niliamua kukubali kwamba ameamua kufanya hivyo na sina nguvu ya kumzuia basi nikajaribu kupata malipo halisi ya kazi yangu. Ubishi wangu ulikua kwamba msanii mdogo hawezi kulipa bei sawa ya kurekodi na msanii mkubwa, kwani hata malipo ya msanii mkubwa na mdogo baada ya kazi yoyote iwe ya matangazo ama show huwa hayafanani. Bei niliyotaja haikua millioni kumi, ni uongo mtupu na kwa wimbo mmoja niliomba nilipwe millioni 2.

Akakubali kwa bei hiyo ya Millioni 2 japo nilihisi hakuridhika kabisa. Nilimtumia mkataba wa makubaliano yetu ambayo kweli baadae aliona kwamba bei hiyo kwake ni kubwa sana hivyo hatukusaini makubaliano. Tulibadilishana meseji kwa simu kwa muda mrefu sana na niliona biashara hii itavunja urafiki wetu.

Nilifikiria sana kwamba nyimbo hizi nimekaa nazo toka 2008 bila kuingiza chochote na maisha yanaenda pia. Sikuona sababu ya kuharibu urafiki wetu wa muda mrefu kwa mabishano haya. Kwa Ujumbe wa simu nilimueleza A.Y anakaribishwa aje achukue nyimbo zoooooote anazohitaji kwa albamu yake BURE (bila malipo).Lakini nilimuomba anisamehe sitomix zile ambazo bado hazijamixiwa, ila ampatie producer mwingine amfanyie hiyo kazi.

Mpaka naona hii makala A.Y hajaja kuchukua hizo nyimbo na ndio naelewa kua hayupo na BHits tena na wala taarifa zote hizo mbili hajawahi kunipatia. Huu ndio ukweli halisi.
Lord Eyez vs Ommy Dimpoz

Beef hii ilianza baada ya Ommy Dimpoz kupost picha za Lord Eyez kwenye mtandao wa Twitter akiwa amekamatwa kwa kile alichodai kumuibia vifaa vya gari yake. Picha hizo zilisambaa kwa kasi kwenye mitandao ya kijamii na websites/blogs.

Baadhi ya watu walimlaumu Ommy kwa kitendo hicho cha kumwanika mwanamuziki mwenzie. Baada ya kukamatwa na polisi na baadaye kutoka nje kwa dhamana wakati kesi hiyo ikiendelea, Lord Eyez alirekodi wimbo Bongo Records ambamo anasikika akimtaja Ommy Dimpoz.

Weusi vs Nikki Mbishi

Beef ya chini chini kati ya Weusi na Nikki Mbishi ilianza kitambo na ilitokana zaidi na mistari ya Nikki Mbishi aliyoindika kumdiss Bonta wa Weusi kama msanii anayebahatisha na sio conscious rapper kama anavyojiita.

Hivi karibuni Nikki wa Pili alisikika kwenye mstari wake akitupa diss ya kiaina kwa Nikki Mbishi na washkaji zake kwa kusema yeye haandika punchline bali anaandika maisha.
Irene Uwoya vs Flora Mvungi

flora

Beef ya divas hawa Bongo Movies ilitokana na uhusiano wao na H Baba. Baada ya H Baba kuachana na Irene alianzisha uhusiano na Flora waliye naye hadi sasa.

Katika mahojiano na vyombo mbalimbali vya habari Irene alisikika akimponda H Baba kuwa ni mwanaume asiyejua mapenzi. Kauli hiyo ilimkera Flora ambaye naye aliamua kuongea yake na hivyo kuanzisha beef na Irene.

Afande Sele vs 20 Percent
Maswahiba haba walijikuta wakizunguana na kutupiana maneno redioni kutokana na Afande kukerwa na kitendo cha 20 Percent kugombana na waandaji wa tuzo Zanzibar waliokuwa wamewaalika wote.

Cyril vs Ommy Dimpoz

Ilikuwa ni beef iliyodumu kwa muda mfupi baada ya uzinduzi wa documentary ya Cyril ‘From Day One’ uliokuwa umepangwa kufanyika Club Billcanas kutaka kuzuiwa na baraza la sanaa Tanzania kwa madai kuwa ni raia wa Kenya. Jambo hilo Cyril aliliona kama hujuma iliyokuwa imepangwa na Ommy aliyekuwa na show siku hiyo hiyo Maisha Club.
Chidi Benz vs Ney wa Mitego

Pamoja na kuanzisha beef kali na waigizaji wa Bongo Movies kutokana na wimbo wake Nasema Nao, Ney wa Mitego alimdiss pia King Kong Chidi Benz kwa kuamua kujitoboa pua na kuweka heleni. “Au mwenzetu shoga” alisema Ney kwenye ngoma hiyo.

Kwa upande wake Chidi Benz baada ya kuhojiwa ili aseme alivyouchukulia mstari huo na kusema hamfahamu Ney wa Mitego.
Diamond vs H Baba

Beef ya Diamond na H Baba ilitokana na wimbo ‘Nataka Kulewa’ wa Diamond. H Baba alidai kuwa Platnumz alimuibia idea hiyo wakati walipokuwa wakirekodi wimbo wenye jina kama hilo katika studio za G Records ambapo alikuwa amepanga kumshirikisha Q Chief. H Baba alionesha vielelezo vyote kuthibitisha kauli yake licha ya baadhi ya watu kudai anataka umaarufu.
Q Chief vs Adam Juma

Hii ni beef ya hivi karibuni tu ambapo Q Chief anamshutumu Adam Juma kwa kutoitoa video yake aliyomfanyia. Q analaumu kuwa Adam amemharibia mipango yake na huku akimrudisha nyuma kimaendeleo.

SOURCE