DOMO LANGU: RAY C

RAY C ANENEPA GHAFLA, MASHABIKI WA BONGO FLEVA WAMSHANGAA

Posted by Bigie habari za kitaifa, RAY C 8:55 AM

Mwanamuziki staa wa Bongo Fleva, Rehema Chalamila ‘Ray C’ ambaye amepotea katika anga la muziki kwa kipindi kirefu kutokana na matatizo ya matumizi ya madawa ya kulevya, amejitokeza akiwa amefutuka.

Hivi karibuni, Ray C ameibuka na kuanza kutundika picha na vipande vya video zake katika kurasa zake kwenye mitandao ya kijamii, ikiwa ni sehemu ya kujiweka karibu na mashabiki wake.

Kufuatia ishu hiyo, kumeibuka mshtuko mkubwa kwa baadhi ya watu kutokana na picha hizo kumuonesha ‘bidada’ akiwa amenenepeana ghafla tofauti na alivyozoeleka.

UNENE UNATOKANA NA DOZI?
Baadhi ya mashabiki wake katika mtandao wa Instagram walidai kuwa inawezekana unene huo unatokana na dozi ya kuacha ‘unga’.

Hata hivyo, wengine walimshukuru Mungu kwa kuwa sasa afya ya mwanadada huyo inaonekana kurudi katika hali yake ya kawaida tofauti na miezi kadhaa aliporipotiwa na gazeti hili akiwa amezimika kutokana na matumizi ya unga.

Katika picha hizo, Ray C anaonekana kufutuka usoni, kifuani na mapajani ambapo awali kabla ya matatizo hakuwa hivyo.
Wengi walimshukuru Mungu kumuona tena Ray C akiwa mzima pamoja na ukimya wake katika muziki.

Ray C amekuwa akitundika picha hizo kwa ajili ya mashabiki na marafiki hasa kupitia Instagram akiambatanisha na maelezo huku nyingine zikizungumza zenyewe.

HATAKI KUTAJA ANAPOISHI
Maelezo ya picha hizo yamekuwa yakielezea maisha ya Ray C kwa sasa akiwa kwenye mjengo wa maana bila kutaja ni sehemu gani.

Kwa mujibu wa mashabiki wa Ray C, mwanadada huyo kwa sasa anakula bata tu huku akimshukuru Rais wa Jamhuri ya Muungano wa Tanzania, Dk. Jakaya Mrisho Kikwete ambaye anamuita ‘Daddy’ kwa kuwa ndiye aliyemsaidia kimatibabu.

Daktari mmoja maarufu jijini Dar aliyehojiwa , alibainisha kuwa kinachosemwa na mashabiki wa Ray C kwamba kinachomnenepesha ni dozi ya kuacha madawa ya kulevya, kinaweza kuwa kweli au kisiwe kweli.

Aliongeza kuwa kunenepa kunachangiwa na vitu vingi kama kupata maisha mazuri yasiyohusisha msongo wa mawazo au mihangaiko ya hapa na pale hivyo anachofanya ni kula, kulala na kustarehe tu.

GPL

HUU NI UJUMBE WA RAY C AKIWASHUKURU MASHABIKI WAKE KWA KUMUOMBEA MPAKA AMEPATA AHUENI TENA

Posted by Bigie habari za kitaifa, RAY C 11:55 AM

TUSIPOCHUKUA HATUA, DAWA ZA KULEVYA ZITAWAMALIZA WANAMICHEZO NA WANAMUZIKI WA TANZANIA

Posted by Bigie habari za kitaifa, RAY C 6:58 PM

DAWA za kulevya ni hatari, ni hatari sana. Maisha ya baadhi ya wasanii na wachezaji yamepotea kutokana na matumizi ya dawa hizo.

Aidha, dawa za kulevya husababisha baadhi ya wasanii na wachezaji kushindwa kuendelea na fani zao.
Orodha ya wasanii waliopoteza maisha kutokana na matumizi ya dawa za kulevya ni ndefu lakini baadhi yao ni Elvis Presley, Whitney Houston, Brenda Fassie wa Afrika Kusini.

Tanzania imepata mshtuko kwamba kimeripotiwa kifo cha msanii kutokana na matumizi ya dawa za kulevya. Tukiwa tunangoja ripoti kamili ya daktari juu ya kifo chake, msanii mahiri wa muziki wa kizazi kipya ‘Bongo Fleva’, Albert Mangwea ‘Mangwair au Ngwea’ anadaiwa kufariki kutokana na dawa za kulevya nchini Afrika Kusini mapema wiki iliyopita.

Habari hizo ziwe kweli au la, Mangwair amefariki na mwili wake ulirejeshwa nchini juzi kwa mazishi yaliyofanyika jana huko Morogoro. Hata hivyo kifo chake, kitoe changamoto kwa wasanii wengine akiwemo Ray C aliyeko kwenye kituo cha kujirekebisha kutokana na matumizi ya dawa za kulevya.

DAWA ZA KULEVYA
Hizi ni dawa ambazo zimepigwa marufuku kutumiwa na jamii kutokana na kiwango chake cha athari kwa binadamu. Dawa hizi ambazo miongoni mwake ni bangi, heroin na cocaine, zina athari zaidi katika mwili wa binadamu kuliko faida.

Wasanii wanaotumia dawa za kulevya husukumwa zaidi na tabia ya kuiga ili waweze kufanya maonyesho jukwaani kwa ukakamavu mkubwa.

Wasanii hawa wanaamini wanapotumia dawa hizo zinawasisimua mwili ili wapate uwezo wa kutumbuiza jukwaani kwa muda mrefu bila kuchoka tena bila aibu.

Upande wa wanamichezo hasa soka na riadha, msukumo mkubwa upo katika kuwa na pumzi ya kuweza kucheza soka kwa dakika 90 bila kuchoka na moyo wa ujasiri hata kwenye riadha hali ni hivyo hivyo.

ATHARI ZA DAWA ZA KULEVYA MICHEZONI

Serikali duniani kote zinapiga marufuku matumizi ya dawa za kulevya. Kwa bahati mbaya, dawa hizi hutengenezwa, husafirishwa na hutumiwa kwa kificho japokuwa madhara hujionyesha wazi.

Kwa mujibu wa wataalam, mtu anapotumia dawa za kulevya, moja kwa moja huathiri baadhi ya viungo vya mwili kinyume cha imani ya watumiaji.

Mtumiaji hupata ganzi na kutoka katika hali ya kawaida. Kutokana na ganzi hiyo taarifa hutumwa katika ubongo na ubongo nao hutuma vichocheo katika kiungo hicho na hufanya kazi maradufu.

Jinsi dawa inavyotumiwa kwa wingi ili kurekebisha hali ya ganzi ndivyo nguvu inavyozidi kutengenezwa na hivyo ndivyo vinavyowamaliza wasanii na wanamichezo.

Wataalam wanasema matumizi haya ya dawa za kulevya huufanya mwili wa mtumiaji kuchoka na kukosa hamu ya kula kutokana na seli nyingi mwilini kushindwa kufanya kazi.

Matokeo yake, mwili wa mtu huyo hudhoofu kwa kukosa chakula na hata uwezo wa kutengeneza chembechembe hai za kuulinda mwili na kujikinga dhidi ya magonjwa hupungua, hivyo mwili huruhusu magonjwa ya mara kwa mara.

Hali hii inapotokea uwezo wa msanii au mwanamichezo huonekana umepungua na muda wowote mahala popote anaweza kuchukua maamuzi anayoyajua yeye.

KITU CHA KUFANYA

Masomo ya dini za Kikristo na Kiislamu na elimu maalum ya dawa za kulevya yatumike ili kuwaweka vijana katika misingi mizuri ya maadili na athari za dawa za kulevya.

Hii itasaidia vijana kufahamu kwa undani faida za dawa zilizoidhinishwa na Serikali na athari za dawa zilizopigwa marufuku zikiwemo za kulevya ili kupunguza kwa wimbi la vijana kutumbukia katika matumizi ya dawa za kulevya.

MAKALA HII IMETOLEWA KATIKA GAZETI LA MAWIO NA IMEANDIKWA NA ELIUS KAMBILI

MATUMIZI YA DAWA ZA KULEVYA YAWAFANYA POLISI WAMCHUNGUZE RAY C

Posted by Bigie habari za kitaifa, RAY C 2:15 AM

VIDEO YA RAY C NA MAMA YAKE WAKIMSHUKURU RAIS KIKWETE KWA MCHANGO WA MATIBABU

Posted by Bigie habari za kitaifa, RAY C 6:19 PM

RAY C AMEPONA NA ANAMSHUKURU SANA RAIS KIKWETE KWA MSAADA WA MATIBABU ALIOMPA

Posted by Bigie habari za kitaifa, RAY C 10:07 AM

MAMA RAY C AKANUSHA UVUMI ULISAMBAA KUWA RAY C AMEFARIKI......

Posted by Bigie habari za kitaifa, RAY C 11:54 PM

NURU THE LIGHT ATOA WITO WA KUMSAIDIA "RAY C" KUTOKANA NA HALI ALIYONAYO

Posted by Bigie habari za kitaifa, NURU THE LIGHT, picha za utupu, RAY C 3:33 AM

UKIMUONA RAY C UTAMWAGA MACHOZI......HIZI NDO PICHA ZAKE JINSI ALIVYOATHIRIWA NA MADAWA YA KULEVYA

Posted by Bigie habari za kitaifa, picha za utupu, RAY C 11:00 PM

"SITAKI KUMWONA LORD EYEZ NYUMBANI KWANGU".......MAMA RAY C

Posted by Bigie habari za kitaifa, lord eyez, RAY C 12:09 AM

MIKAO YA MASTAA WA KIBONGO NI AIBU TUPU

Posted by Bigie BONGO FLEVA, BONGO MOVIE, JAMII, LULU MICHAEL, nisha, picha za utupu, RAY C 8:04 PM

Kitendo cha baadhi ya mastaa wa kike Bongo kupiga picha katika mikao inayoacha wazi sehemu zao nyeti, kimeelezwa kuwa ni cha aibu huku wadau wakiwataka kubadilika mara moja ili wawe kioo safi mbele ya jamii.

Wakizungumza na mtandao huu katika nyakati tofauti baadhi ya watu waliodai kukutana mara kibao na picha za ‘mademu’ hao mtandaoni walieleza kuwa, tabia hiyo ni chafu na inaweza kuwafanya wakatafsiriwa tofauti na walivyo.

Walisema, licha ya kwamba kila mmoja ana uhuru wa kufanya vile anavyojisikia, bado kwa maadili ya kitanzania kupiga picha za aina hiyo ni tatizo.
“Wapo wasanii wengi tu ambao kila wanapopiga picha hupenda kuweka mkao wa nne huku wakiwa wamevaa nguo fupi zisizovuka hata mapaja yao.

“Matokeo yake wanajikuta wakianika sehemu zao nyeti pamoja na ‘makufuli’ yao, kitu ambacho siyo maadili kwa mtoto wa kike wa kitanzania. Wanaofanya hivyo wajue wanapata aibu ambayo wanaweza kuiepuka,”dada mmoja alitonya huku akiomba hifadhi ya jina lake

Naye Ibontoko alisema kuwa, ulimbukeni walionao baadhi ya warembo hao ndiyo unaowasukuma kufanya hivyo bila kujali kwamba wanajichoresha.

“Wenyewe wanadhani huko ndiyo kwenda na wakati na wengine eti wanatumia njia hiyo ‘kujipromoti’, jamani zipo njia nyingi za kutengeneza jina bila kukaa uchi kama hivi, tuache ulimbukeni,”alisema Ibontoko.

Hata hivyo, mara kwa mara baadhi ya mastaa hao wamekuwa wakitetea staili yao hiyo ya kuvaa nusu uchi na kupozi kihasara huku wakieleza kuwa, wana uhuru wa kuvaa vyovyote wanavyojisikia.

“Nina uhuru wa kuvaa vile ninavyojisikia, wale wasiyofurahia jinsi ninavyovaa watajiju,”aliwahi kukaririwa msanii wa filamu, Elizabeth Michael ‘Lulu” akisema.

Warembo ambao wamekuwa na kasumba ya kupiga picha za sampuli hiyo ni pamoja na mshiriki wa Mashindano ya Miss Tanzania 2005, Jacqueline Patric, msanii wa muziki wa kizazi kipya, Rehema Charamila ‘Ray C’, wasanii wa filamu Elizabeth Michael, Shamsa Ford, Miriam Jolwa ‘Jini Kabula’ na Salma Jabu ‘Nisha’.

RAY C ANENEPA GHAFLA, MASHABIKI WA BONGO FLEVA WAMSHANGAA

HUU NI UJUMBE WA RAY C AKIWASHUKURU MASHABIKI WAKE KWA KUMUOMBEA MPAKA AMEPATA AHUENI TENA

TUSIPOCHUKUA HATUA, DAWA ZA KULEVYA ZITAWAMALIZA WANAMICHEZO NA WANAMUZIKI WA TANZANIA

MATUMIZI YA DAWA ZA KULEVYA YAWAFANYA POLISI WAMCHUNGUZE RAY C

VIDEO YA RAY C NA MAMA YAKE WAKIMSHUKURU RAIS KIKWETE KWA MCHANGO WA MATIBABU

RAY C AMEPONA NA ANAMSHUKURU SANA RAIS KIKWETE KWA MSAADA WA MATIBABU ALIOMPA

MAMA RAY C AKANUSHA UVUMI ULISAMBAA KUWA RAY C AMEFARIKI......

NURU THE LIGHT ATOA WITO WA KUMSAIDIA "RAY C" KUTOKANA NA HALI ALIYONAYO

UKIMUONA RAY C UTAMWAGA MACHOZI......HIZI NDO PICHA ZAKE JINSI ALIVYOATHIRIWA NA MADAWA YA KULEVYA

"SITAKI KUMWONA LORD EYEZ NYUMBANI KWANGU".......MAMA RAY C

MIKAO YA MASTAA WA KIBONGO NI AIBU TUPU

Featured Post

NEC ya ahirisha uandikishaji kwa BVR mikoa 4 nchini

STAY UPDATED

FEATURED LINKS

ADVERTISEMENT